DCM Convention malampusong napahigayon sa Butuan

Masadyaon ingun man malampusong gipahigayun niadtung Marso 6 hantud 8 ang Diocesan Clergy Of Mindanao Convention nga gipahigayun sa Diocese sa Butuan.

Mikabat sa 559 ka mga deligado ang mitambong sa maong panag tapok, gilangkuban na kini sa mga diakono, kaparian ,ug ka-obispohan nga naggikan sa mga nagkadaiyang parte sa Mindanao.

Si Bishop-elect Abel Apigo sa Diocese sa Mati kinsa mao ang Presidente sa Diocesan Clergy of Mindanao, mapasalamatun sa mga kaparian sa Diocese sa Butuan , mga relihiyosong pundok ug sa local nga panggamhanan sa Butuan sa mainiton nga suporta sa panagtapok sa kaparian sa Mindanao.

“Sa sulod sa tulo ka adlaw, ang diocesano nga pari sa Mindanao, naka dawat gayud sa tinooray nga pag amuma kaninyo, sa ngalan sa mga pari nga ania karun dinhi , ako isip ilang Presidente , nagpasalamat gayud kang Achbishop Antonio Ledesma, ang apostolic Administrator sa Diocese sa Butuan, sa pag abi-abi kanamo, labaw sa tanan uban kang Bishop Zacharias Jimenez nga nakig uban, sa kaparian dinhi sa Diocese sa Butuan, daghang salamat,” sumala ni Bishop-elect Apigo.

“Daghang kamig memories nga madala sa amoang pag uli,” dugang pa niya.

Samtang si Presidente sa Catholic Bishops Conference of The Philippines, Davao Archbishop Rumulo Valles, nag butyag nga usa ka mahinungdanon ang panagtapok, sa mga kaparian, ug sa uban pang sector.

Tungud sa panagtapok maka hatag kini ug inspirasyon sa matag usa, kung adunay gisagubang nga problema, ug kung nanginahanglan ug tabang, maka paminaw sa pulong sa uban nga possible nga madasig ilabi na anga adunay mga mga speakers nga adunay lalom nga pamalandong.

“Importante ang panagtapok sa mga Pari dili lang sa DCM, apan sa matag diocese importante nga magkatapok sila, natural sa tao nga mga engineers magtapok tapok, mga teachers mag tapok, tungud kay ang pag-kitaay sa matag usa, usa ka inspirasyon, pananglitan dili lang sa pari, naay problema, tingali naa siya sa pundok madasig siya, o diba usa ka tao nanginahanglan sa maayo nga paagi, sa kasamtangan na lisdan siya, maka paminaw sa estorya sa uban, maka pa gana niya, labaw na sa mga pari pod,” sumala ni Abp. Valles.

“Nindut kaayo magkatapok sila, mag dinasigay, kay seeing one another maka dasig man gayud kana,’’ butyag ni Archbishop Valles.

Samtang ang mga Nahimong Speaker sa maong convention mao si Monsignor Abel apigo ug bishop-elect sa Diocese sa Tandag nga si Fr. Raul Dael puros mipaambit sa kalipay sa dihang gitawagan sila sa Papal Nuncio nga sila ang gipili sa Santo Papa nga mamahimong Bag-ong Obispo sa Simbahan.

Mipaambit sab sa kasinatian sa gyera sa Marawi si Fr. Chito Suganob kinsa gi dagit sa mga Maute Isis sulod sa 116 ka adlaw.