‘Healing place’ ni Birheng Maria sa Samal gidagsa

Niadtong February 16, 2018 nagsaulog ang Our Lady of Mary Mediatrix of all Grace Spiritual Center, San Agustin, Babak, Island Garden City of Samal sa ika-tulong tuig nga kasumaran sa ilang anibersaryo sa pag enthrone sa Mama Mary Statue nga gi-donate ni Fr. Tuling, parish priest sa Andap, Compostella Valley.

Dunay kapin nobenta ka deboto ni Mama Mary ang nitambong sa maong okasyon.

Ang unang hugna sa maong programa mao ang pag rosaryo palibot sa mga parokya sa Samal, kada parokya nga hunungan aron mag offer og prayer intention.

Paghuman sa pilgrimage, nagpahigayon og life testimony ang pipila ka mga deboto, diin naay milagro nga nasinati sa ilang kinabuhi.

Natapos ang maong programa sa usa ka misa nga gipangulohan ni Rev. Fr. Rodrigo Salac ug nag concelebrate si Rev. Fr. Rey Sabuero. Sumala ni Padre Rodrigo, ang tinood na deboto ni Mama Mary maningkamot nga naay makabisita/maka inganyo sa lugar para makatabang sa pagpalambo niining lugara sa chapel. (Vilma “Beth” Pasinabo-Rivas, Founder | Photos by Ric Otero)