Four Basic Seminars sa Ministriya sa Batan-on Gipahigayon

Nahimong malampuson ang gipahigayon nga “Stay-In Four (4) Basic Seminars 2018” sa Ministriya sa Batan-on sa Parokya sa St. Mary of the Perpetual Rosary niadtong Biyernes hangtud Dominggo, January 26-28, 2018. Adunay 73 ka mga aktibong batan-on nga niapil ug nakahuman sa maong four basic seminars.

Nagapasalamat ang parish youth ministry core group sa mga ginikanan nga mitugot sa pagpa-apil sa ilang mga anak, mga Pangulo sa Katilingban (PSK) sa nagkalain-laing GKK nga nagpadala og misuporta sa ilang mga batan-on, sa mga speakers nga migahin sa ilang panahon sa paghatag og pormasyon ug ilabina sa walay puas nga suporta sa Kura Paroko, Fr. Jess Samaniego.

Ang mga ministriya sa batan-on mapasalamaton usab sa pangama sa Mahal nga Birhen Maria panahon sa pagpangandam sa maong four (4) basic seminars ug labaw na sa Ginoo nga maoy nag giya nga mamahimong malampuson ang maong kalihukan alang sa pagpalambo sa Kristohanong pagtoo sa mga batan-on. (Jonalen Asares)