SKP2 niarangkada na sa parokya sa Buhangin

Ang Parokya sa St. Mary of the Perpetual Rosary anaa na sa unang hugna sa pag implementar sa Sagop Kinabuhi Program 2. Tungod niini adunay panagtigum nga gipahigayon niadtong Enero 17, 2018 sa Parish Social Action Ministry (PSAM) office. Gitambungan kini sa 4 ka mga barangay kagawad gikan sa Barangay Buhangin, Tigatto, Cabantian, ug Communal ug usa ka school representative gikan sa Davao Merchant Marine Academy (DMMA). Ang maong kalihukan gipangulohan sa PSAM Coordinator, Joel Corage ug sa kura paroko, Fr. Jess Samaniego inubanan sa Archdiocesan Social Action Center (ASAC) pinaagi sa representante nga si Dennis Mabayao, kuyog nila Norman ug Jun. Malaumon ang Simbahan ug Gobyerno nga mahatagan og kasulbaran ang iligal nga droga sa among katilingban pinaagi niini. Gipangandaman usab ang sunod nga hugna sa panagtigum nga nahitabo niadtong Enero 24. (Norie Santillan | SRP SoCCom)