Inter Mirifica

Mikabat ug 253 ka mga GSLs ang mitambong sa Inter Mirifica seminar niadtong January 14, 2018 sa parokya sa Miraculous Medal, Indangan. Ang apostolado sa Social Communication nga gipangulohan ni Rev. Fr. Ritsche Gamaya maoy nihatag sa input sa maong seminar. Kini ang unang higayon nga nagkatigom ang mga GSLS sa lain-laing GKK nga sakop sa parokya. Ang Inter Mirifica kon Decree on Social Communications seminar dugay na nga gipangandoy sa kura paroko nga si Fr. Elneri Meñez nga mapahigayon aron nga ang mga parokyano mahatagan niini. Sa pagpangandam sa maong seminar nasabutan nga ang hatagan sa input kabahin sa Inter Mirifica mao ang mga GKK SoCCom lamang apan nauyonan sa PPC meeting nga mas maayo nga ang tanang GSL ang paapilon sa maong seminar. Positibo gayud ang tubag sa mga GSL ug dako ang pasalamat sa kura paroko nga nagmalampuson ang maong kalihukan.