Kapistahan sa GKK Sr. Sto. Niño

Ang Gagmay’ng Kristohanong Katilingban nga mga miyembro sa parokya sa San Francisco De Asis, Tagakpan nagsaulog sa ilang kapistahan sa Sr. Sto. Nino niadtong Enero 20. Ang ilang pagsaulog gisugdan sa usa ka misa nga gipangulohan sa ilang kura paroko nga si Fr. Peter Fancubila, OSJ.

Unang kapistahan kini nga gisaulog sa Parokya sa pagsulod sa tuig 2018. Dako ang pasalamat ni Fr. Fancubila tungod sa suporta sa mga miyembro sa maong GKK.

Matod niya, “kabalo gayud kamo, nga kamo ang isa sa pinaka aktibo nga GKK sa atong Parokya, daghang salamat sa inyohang kanunay’ng pagsuporta.”

Kini na ang ika-35 ka tuig nga selebrasyon sa kapistahan ni Sr. Sto. Nino sa maong GKK. Tungod sa ilang debosyon sa maong Santo, ila gayud pirming masinati ang pag giya niya, tungod kay matag tuig pirmi gayud nagkadako ang ihap sa ilang miyembro.

Ang maong selebrasyon gitapos sa usa ka bunyag diin adunay 15 ka mga bata ug hamtong ang gibunyagan isip mga bag-ong Katoliko. (Charlou Daguplo | SFDA SoCCom)