Our Lady of Fatima Parish Fluvial Procession

Fluvial Procession ang usa sa highlights sa pista sa Our Lady of Fatima Parish niadtong Oktubre. Uban ang kura paroko nga si Rev. Fr. Henry Camepon, ang ika-65 ka tuig nga kapistahan sa parokya ug ang ika-100 nga anibersaryo sa pagpakita sa Mahal nga Birhen sa Fatima misubay sa tema: “Centenario sa Fatima, Inahan sa kahiusahan, Inahan sa Katilingban, Inahan natong tanan.” Ang maong “fluvial procession” nagsugod sa alas 3:00 sa hapon didto sa Brgy. 76-A Bucana padulong sa Davao-Sta. Ana Port diin adunay 45 ka mga motorboats nga miapil gikan sa nagkalainlaing sona. Misunod ang prosisyon padulong sa simbahan, ug pagsaulog sa Santos nga Misa nga gipangulohan sa atong arsobispo sa Davao, Most Rev. Romulo G. Valles, DD. Dayag ang kalipay sa mga panagway sa mga parokyano kinsa nagdala sa imahe sa Birhen, ilang inspirasyon sa kahiusahan. (Rizza Fabro | Secretary, PPC)