Pagpasidungog kay Maria sa iyang pagsaka sa langit

Ang kadaugan ni Maria nga wala nakasulay og kamatayon ang atong ginasaulog karon—ang kadaugan ni Kristo batok sa sala.
Sa pagsaulog sa ika-54 nga kapistahan sa Pagsaka ni Maria sa Langit kon Assumption of Mary, Agosto 15, si Archbishop Romulo G. Valles nag-ingon nga si Maria ang modelo sa pagpabilin sa pagtoo bisan pa man sa mga krisis nga gina-agian sa katawhan karon.

Sumala niya, ang mga unang Kristiyano, nakasinati usab og kahadlok ug krisis. Ilang gihatagan og luna si Maria diha sa ilang pag-ampo ug unta mao usab kini ang angay buhaton karong mga panahona.

Dugang pa niya nga si Maria nakasinati usab og krisis tungod sa katingalahang mga butang nga nahitabo kaniya sama sa pagsabak pinaagi sa lalang sa Espiritu Santo. Ang iyang ig-agaw nga si Elizabeth nakasinati usab sa maong krisis tungod sa pagsabak diha sa iyang katigulangon.

Bisan pa man sa krisis kaniadto diin gipamatay ang daghang bag-ong gipanganak sa panahon ni Herodes, ang Ginoo nagprotekta kaniya (Maria) nga nagsabak kang Kristo.

“Mary is an example on how God keeps us in his hands,” sumala ni Abp. Valles.
“We maintain our faith in the way the Church behaved on its first years of being Church. We keep our faith by keeping tradition,” giingon ni Abp. Valles sa iyang homiliya.

“Mary, woman of faith is our teacher today, our great model today on how we keep our faith,” dugang ni Abp. Valles.
“We cling to the Lord…that one day we have our assumption in heaven,” giingon niya.