Bag-ong Mr. ug Ms. SFDA gi-koronahan

Isip Selebrasyon sa kapistahan ni San Francisco De Asis nagpatigayon ang maong Parokya sa Tagakpan sa ilahang Fund Raising Activity niadtong Oktubre 1.

Ang fund raising gihimo pinaagi sa Raffle ticket kung asa diin ang matag GKK gihatagan ug higayon sa paglikom ug pina ka daghan ug entry ticket ug ang pinakataas ug ihap sa nabaligya maoy gi deklarang mananaog nga nag gikan sa GKK San Miguel Twin River. Ug syempre ang matag 22 ka nilangkob nga GKK adunay tagsa-tagsa ka mga representante nga Kandidata nga maoy mamahimog Koronahan diha sulod sa pagahimoong Raffle Draw.

Gipanghatag sa raffle draw ang 10 ka consolation prizes nga 500 php worth of rice, Sofa Bed, Washing Machine ug Gas Range alang sa major Prize. Ang kining maong programa nahimong nang regular na aktibidades sa parokya aron sa pag kaylap ug igong suportang pinansyal alang sa pagpalambo sa nagapadayong konstraksyon sa Simbahan.

Ang maong programa gisugdan sa alas 3 sa hapon nga aktibong gitambungan sa tanang lideres ug mga parokyano ilabina ang mga ginikanan sa mga kandidata. Ug gitapos usab kini pinaagi sa pag ampo sa ilahang Kora Paruko nga si Rev. Fr. Peter Fancobilla OSJ. Apan dili diha natapos ang dakong pasalamat sa tanang kaparian sa maong parokya kay nagpahigayon sila ug gamay merienda alang sa tanang parokyano nga nihatag sa ilahang suporta sa maong programa. (Charlou Daguplo)