Mabunyagan kaha ka kung walay Pari?

Mapasalamaton kita sa kaparian kay tungod kanila kita mabunyagan, maong dako ang kalipay sa 3 magsoon sa Este Family nga taga Sitio K.T.C. Malabog, Davao City nga nakadawat sa Sakramento sa bunyag ang ilang mga anak. Kini gisaulog atol sa ika-4 ka tuig nga kapistahan sa ilang Gagmay’ng Kristohanong Katilingban (GKK) Sr. San Lorenzo Ruiz nga sakop sa San Roque Parish Malabog sa wala pa natapos ang bulan sa Setyembre. Uban sa Tema: Pag-ampo Maoy Sumbanan sa Nagkahiusang Katilingban. Gisugdan ang Santos nga uban sa Kura Paroko nga si Rev. Fr. Jemasol Ortiz diin sulod sa Misa gibunyagan ang 8 ka mga bata.

Nagpasalamat ang ilang Pangulo sa Liturhiya nga si Ferdinand Monserat kang Fr.Jojo Jemasol Ortiz, sa mga Pangulo, sa mga myembro sa pagpanaw duaw, ug kay Librado Sombilon, sa mga bisita gikan sa nagkalinlaing GKK sama sa sitio Malamboon, GKK San Isidro Labrador, GKK ISKP Balugo, GKK Sto. Niño Quarry, ug sa GKK Immaculate Conception Langub.

Human sa misa nangaon dayon nag parlor games ug racing sa motor nga gipanguluhan sa mga batan-on. Si Jr. Este nagpasalamat sya sa Ginoo ug kay Fr.Jojo nga nabunyagan iyang anak. (Jenna Solatorio | SRPM GKK SoCCom)