Happy ika-69 nga Parochial Fiesta sa Sto. Rosario Parish of Toril

Pag-ampo… Hudyaka… Katawa…

Mao kini ang pagselebrar sa kapistahan ni Birhen Maria sa Sto. Rosaryo.

“Nalipay ako nga ubay-ubay gayod and niapil sa atong opening salvo,” pamahayag ni Romy Arguelles, in-charge sa motorcade.

September 29, gikoronahan si Aljeana Marie Masangya nga nag-eskwela sa JV Ferriols National High School ug si Jkarl Adaptation sa Doña Carmen Denia High School isip Teen Ambassador.

September 30, adunay gipatigayon nga Medical, Dental ug Legal services nga gi-initiate sa Kasinatian. “One of our missions is to conduct socio-civic work or activities,” pamahayag ni Dra. Gemma Guadalupe. Sa hisamang adlaw 366 ang nidawat sa Sacramento sa Kompirma.

October 1, nagpatigayon ug Acrobatic Show ang Sto. Rosario Parish Finance Committee. “Makakulba jud ang ilang mga stunts ug worth-it kaayo ang among gibayad nga Php 100,” sumala ni Lorita Pasayloon, PSK sa Our Lady of Assumption.

October 3, nagpresent ang public and private schools ug OPM song and dance presentation. “Makatouch nga nagkahiusa ang lain-laing eskwelahan niining adlawa,” ni Roy Chatto, KOTAS coordinator.

October 6, disperas sa fiesta sayong nangandam ang mga kabataan para sa indak-indak nga nagsugod sa alas 6:30 ang takna sa buntag. Sa alas 3 sa hapon gihimo ang pagprosesyon sa Mahal nga Birhen Maria sa Santos nga Rosaryo kauban ang 95 nga nagkalain-laing patron sa Gagmay nga Kristohanong Katilingban (GKK).

October 7 ang adlaw sa kapistahan, 6 ka misa ang gipatigayon. “Si Birhen Maria nagdayeg sa ngalan sa Ginoo hangtod sa kahangturan,” gitagaan ug emphasis ni Archbishop Romulo Valles sa iyang homily.

Pagkagabii gihimo ang paghatag ug award and certificate sa 51 ka mga GSL nga nagserbisyo sa simbahan.