Vocation campaign gipangusgan sa mga eskwelahan

Vocation Director Fr. Elvie Bordios, DCD nanguna sa kampanya bokasyon alang sa relihiyosong kinabuhi diin gitambongan kini sa mga grade 10, grade 11 ug grade 12 nga estudyante sa Wangan National High School sa wala pa natapos ang bulan sa Setyembre.

Ang maong kampanya gihimo pinaagi sa mga testimonya sa mga madre ug pari. “Ang bokasyon tawag gikan sa Ginoo, ang bokasyon maoy giya, mudisiplina sa atong kinabuhi inuban sa tabang sa balaan nga espiritu santo,” ingon ni Fr. Elvie sa mga estudyante.

Usa pud ka madre gikan sa Smac sisters nga si Sister Letty, “naay forever kung magmisyon kauban si Jesus. Ang bokasyon mao ang paghalad sa kaugalingon ug kini grasya nga nadawat nimo sa Ginoo.”

Si Sister Justina gikan sa Apostle’s of Jesus Crucified Congregation mipaambit nga nakasinati pud daw siyag uyab-uyab, normal lang man daw basta gina express lang nimo imong gibati.

Gipalawman ni Sister Letty ang kwalipikasyon sa pagsulod sa mga kongregasyon sa mga pari ug madre. Una, Highschool graduates; ikaduha, kung adunay ‘passion’ sa pagpili sa pagsulod sa bokasyon.

Fr. Bordios ang Direktor miingon sab miingon nga sa diocesan seminary libre ang financial obligations shoulder kana sa Archdiocese sa Davao. (Jhunryl Bonghanoy)