Kapistahan sa patron Sta. Cruz gisaulog

Ang Gagmay’ng Kristohanong Katilingban kon GKK Sta. Cruz nagsaulog sa ilang ika-65th nga kapistahana niadtong Setyembre 14, 2017. Nahimutang ang maong GKK sa upper Tagakpan nga sakop sa San Francisco de Asis Parish.

Sulod sa selebrasyon anaa ang Santos nga Misa nga gipanguluhan sa Kura Paruko Rev. Fr. Peter Fancubila, OSJ, gisugdan kini sa alas 9:00 sa buntag ug gisunod dayon ang pag bunyag sa mga kabataan.

Saysay pa ni Fr. Peter, “ang ika-65th nga kapistahan sa patron sa Sta. Cruz matawag nga platinum anniversary tungod sa kadugayon niini, magpasalamat kita kanunay sa Ginoo.”

Dungag pa sa PSK nga si Mrs. Editha Mañacap, nahimo kining malampuson ug malinawon. Nagpasalamat siya sa dakong suporta sa mga miyembro sa GKK, bisan pa man sa adlaw sa novena nga sige ug ulan, padayon gihapon sa pag hatag ug higayon sa pag-apil.

Ang GKK Sta. Cruz natukod niadtong tuig 1959. Nga gi ulohan sa mga katigulangan. Ang maong GKK adunay 136 ka mga miyembro. Ug diin anaa ang kahiusahan sa tanan subay sa tuig sa parokya. (Riza Cantiveros | SFDA SoCCom)