‘Passion to serve’

LCCP RENEWAL RECOLLECTION GIPAHIGAYON

Ang usa ka adlaw nga Renewal Recollection sa 40 ka mga miyembro sa Lectors, Commentators, Cantors, Psalmist (LCCP) sa Parokya sa St. Mary of the Perpetual Rosary, Buhangin gihimo isip pagpangandam sa umaabut nga send forth.

Gipahigayon kini sa Franciscan Friars House sa Indangan, Davao City, niadtong September 1, 2017.

Gipaambit ni Sr. Mary Angela D. Dejucos, O.S.B., ALC executive secretary ang dugang pagpalambo sa kahibalo sa pagsangyaw sa buhing pulong sa Dios diha sa yukaristiya.

Gihatagan og gibug-aton ang “passion to serve” sa Kristohanong kinabuhi.

Nagpasabot kini nga ang pagserbisyo diha sa Simbahan dili “obligatory” kun dili ang relasyon sa matag usa diha sa Ginoo inubanan sa giya sa Espiritu Santo.

Dugang pa ni Sr. Angela nga angayan nga mapasalamaton sa maong gasa sa pagbasa ug pag-awit diha sa buhing pulong sa Dios. Gilakbitan usab ang “Ten Commandments of a Lector.”

Ang maong recollection nakapaaghat ug nakapahigmata sa mga miyembro sa LCCP nga kinahanglan magsubay gayud sa maong tamdanan. (Preny Alinsub | SMPR GKK SoCCom)