Catechist gathering sa bikaryato sa San Pedro

Nagpahigayon ang bikaryato sa San Pedro ug school catechist gathering niadtong Hulyo 6, alas 8 sa buntag hangtod alas 12 sa udto didto sa St. Mary Shrine, Buhangin, Davao City.

Ang maong bicaryato gilangkoban sa 7 ka parokya sama sa San Pedro Cathedral, St. Jude, San Alfonso, Assumption Parish, Our Mother of Perpetual Help, Our Lady of the Miraculous Medal, ug St. Mary of the Perpetual Rosary.

Tumong sa panagtigom aron sa pagpangandam sa mga katekista nga manudlo sa mga eskwelahan nga sakop sa maong mga parokya. Adunay duha ka topics nga gipaambit sa duha ka speaker.

Ang una mao ang “Ang-ang sa Pagtubo ug Pagka-andam alang sa mga Mensahe sa mga Kabataan” ug gipaambit kini ni Sr. Lydia Perales. Nahibaloan sa mga katekista ang nagkadaiyang mga kinaiya sa mga kabataan karon nga anaa sa mga eskwelahan ug nga ang ilang mga kinaiya nagbase usab sa ilang mga edad.

Ang ikaduhang topiko mao ang “Social Media o Communication Media” nga gipaambit ni Sr. Elaine Marie Difontorum, OSB. Iyang gisaysay ang mga lain laing matang o porma sa communication media nga angayang gamiton alang sa pagpakaylap sa Maayong Balita. Mensahe ni Sr. Elaine, “Catechist are Called to Love, Sent to Serve.”

Malipayon ug puno sa pagtulun-an ang mga katekista sa ilang pagpamauli. Andam na sila sa pagtudlo sa mga kabataan sa mga eskwelahan dinhi sa syudad sa Davao. (Anabelle Ejercito Encluna)