Earthquake drill sa parokya ug mga GKK gipahigayon

Malampuson nga napahigayon sa mga Parokyano sa St. Mary of the Perpetual Rosary Parish ang earthquake drill isip pakiglambigit ug pakighiusa sa city-wide earthquake drill nga pagahimoon sa siyudad sa Dabaw sa Hulyo 14.

Giawhag ni Fr. Jess Samaniego ang mga parokyano nga moapil sa pagahimoon nga earthquake drill nga pangulohan sa Parish Social Action Ministry (PSAM) coordinator nga si Joel Corage uban ang mga PSAM core group ug Parish Staff.

Gipahigayon ang earthquake drill human sa Santos nga Misa sa Parokya ug panahon sa regular monthly formation ug meeting sa mga GKK Servant Leaders (GSL) sa matag ministriya sama sa PSK, PSA ug food bank beneficiaries niadtong Hulyo 9.

Tumong niadto nga mahibaw-an sa mga parokyano ang angay buhaton o gestures pag abot sa linog sama sa “Drop, Cover and Hold.”

Matud pa, dili mag-panic aron makahunahuna sa angay buhaton. Ang mga GSL mao napud ang mag demonstrate didto sa mga GKK nga adunay regular mass ug Hiniusang Pag-ampo sa kapilya.

Nanghinaut ang Davao City Risk Reduction Management nga pinaagi sa pakig-alayon sa mga agencies sama sa simbahan malikayan ang mga aksidente nga mahitabo kung moabut ang linog sa siyudad. (Hermie Mapute, Parish SoCCom | Photos: Norie Santillan)