Echo sa “Year of the Parish” sa Panacan GKKs nagsugod na

Formator mihatag ug pagtulun-an mahitungod sa Year of the Parish sa usa ka GKK sa San Miguel Parish Panacan.

Nagsugod na ang mga formators sa San Miguel Parish sa Panacan sa pag echo sa “Year of the Parish” seminar ngadto sa mga Gagmay’ng Kristohanong Katilingban (GKK) nga nahisakop sa maong parokya. Gihatag una ang maong seminar ngadto sa mga pangulo sa parokya niadtong katapusang semana sa bulan sa Mayo ni Father Bill Larouse sa Maryknoll Fathers. Tungod kay ang tema sa “Year of the Parish ” kay “Parish as Communion of Communities”, gipanaog na kini sa Formation Team ngadto sa mga GKKs. Ginahimo kini matag Dominggo kada sona. Nagmalipayon ang mga formators kay dili muubos sa baynte (20) ang nagatambong niining seminar. (Ma. Dolly Fernandez | SMP SocCom)