‘Kamo ang paglaum sa Simbahan’

“Kamong mga layko, kamo ang paglaum sa Simbahan.”

Kini ang giingon sa Kaabag nga Obispo sa Archdiocese of Davao nga si Bp. George Rimando ngadto sa mga layko.

Sumala ni Bp. Rimando, pinaagi sa bunyag, gitawag ang layko nga aktibo nga mutabang sa misyon sa Simbahan.

“By virtue of baptism, you are called to active participation in the Church. Kamo ang gyud ang paglaum  sa Simbahan,” giingon ni Bp. Rimando ngadto sa mga layko nga lideres sa Sta. Ana Vicariate, Agosto 3, diin nagbansay sila sa module sa Year of Faith aron mas masabtan nila kini ug mapadangat ngadto sa mga parokya nga ilang gigikanan.

Dugang pa ni Bp. Rimando, matag binunyagan adunay bahin sa Simbahan ug ang mga kaparian ug mga kaobispohan adunay usab lahing tawag sa pag-alagad alang sa Simbahan.

“This is our Church,” sumala ni Bp. Rimando. (@dcherald)