Sagop Kinabuhi Program 2 (SKP 2) symposium

Ang Sagop Kinabuhi Program 2 Symposium gipahigayon sa St. Mary of the Perpetual Rosary Parish kaniadtong July 23, 2017, 10:00am-12:00nn; diin 394 ang miapil (286 GSL ug 108 mga Food Bank for the Poor Project Beneficiaries)

Kining maong kalihokan giplanohan nga ipaabot gayod ngadto sa GKK level diin ang mga GKK members gayod ang makadungog sa mga pagtulon-an. Mao unya ang mamahimong hinungdan nga kong kinsa man kanila nga adunay mga problema, kaguol ug kabalisa nga ila nang gi-antus sa dugay-dugay na nga panahon, makita’g mga tawo nga makatambag, makatabang kanila sa kinasing-kasing, sama sa nahitabo sa symposium sa parokya.

Nakahigayon ang mga GSL ma voice-out nila ang ilang mga tinaguan nga pagbati pinaagi sa open forum sa maong kalihokan samtang ang uban pinaagi sa secret conversation with the facilitators human sa symposium.

Ang maong kalihukan gipaningkamutan nga mapahitabo pinaagi sa Parish Social Action Ministry (PSAM) uban sa pagtugot ug pagsuporta gayod sa Kura Paroko nga si Fr. Jess H. Samaniago. (Joel L. Corage | PSAM Coordinator)