Pista sa GKK St. Anthony

Gisaulog sa GKK St. Anthony ang ika-27 nga kapistahan sa patron nga si San Antonio de Padua niadtong Hunyo 12 subay sa tema, “Sr. San Antonio kabahin sa Parokya.”

Gisugdan ang Novena niadtong Hunyo 3 hangtud Hunyo 11. Gihimo usab ang sick visitation sa mga membro sa GKK. Nihatag usab ug pormasyon kabahin sa Tuig sa Parokya ug Eyukaristiya ang team sa parokya sa St. Francis of Assisi, La Verna una magsugod ang novena.

Ang prusisyon gipahigayon niadtong Sabado una natapos ang novena. Sa adlaw sa kapistahan adunay Diana sa hired band agig pagpamukaw sa mga residente sa alas 4 sa kabuntagon. Pagka alas 9 sa buntag gipangunahan ang Misa ni Fr. Junar dela Victoria ang kura paroko sa Parokya. Bisitaha, i-Like ug i-SHARE ang Facebook Page sa DXGN 89.9 Spirit FM-Davao alang sa live streaming. (Sylvia Orbeta | SFA SoCCom)