24 gikasal sa parokya sa Tagakpan

Ang bulan sa Hunyo giingon nga “Wedding Month.” Kalabot niini, ang “Kasalan ng Parokya” gipahigayon sa San Francisco De Asis Parish – Tagakpan niadtong Hunyo 10. Kini kabahin sa Tuig sa Parokya nga selebrasyon.

Gipangulohan ni Fr. Peter Fancubila, OSJ ang misa. Beynte kwatro (24) ka mga pares nga nag-uban nga wala pa nakasal sa simbahan ang mitubag sa maong sakramento.

Gibutyag ni Fr. Peter nga gikinahanglan kaslon ang magtiayon kay sila mao ang magdala sa ilang pamilya diha sa Ginoo, kay ang pamilya man ang ‘basic unit of the community.’

Ang Kasalan mao na ang ika-pito nga mass wedding nga gipahigayon sa parokya sa Tagakpan. (Mary Jane Alba | SFDA SoCCom)