Tuig sa Parokya sa Dacudao

Nagmalampuson ang pagsaulog sa “Tuig sa Parokya” sa Mary Help of Christians Parish nga giapilan sa mga pangulo ug sa mga miyembro sa mga ministriya niadtong Dominggo, Hunyo 11.

Ang wali sa misa ni Fr. Marcelino Benabaye SDB nagpalawom sa obligasyon sa mga miyembro sa GKK. Nahibaw-an nga adunay katungdanan nga mulihok ug mutabang sa kaugalingong katilingban ang matag usa. Dili na, matud pa, maghulat nga adunay mumando o madisgrasya sa mga kauban diha sa kaugalingong GKK bago pa mulihok o tabangan sila. Nangaon ang mga partisipante sa ilang tagsa-tagsa ka kiosk kauban ang ilang ka-sona.

Nisunod ang inter-zonal volleyball alang sa babaye ug moving basketball alang sa mga lalaki.

Bisan tuod init kaayo ang panahon, nipadayon gihapon sila sa pagdula. Nasungkit sa Zone 6A ang overall championship title, dayon ang Zone 5, Zone 3A, ug Zone 3B. (Charlyn Bayo | MHCP SoCCom)