Panawduaw sa mga GKK sa San Pedro Cathedral

Mao na kini ang ika-26 nga adlaw sa gipahitabo nga Panawduaw sa mga GKK sakop sa San Pedro Cathedral. Buhi ug nagkahiusa ang 32 nga katilingban nga nagpahigayon niini matag gabii. Bisan nga ang mga GKK gipalibutan ug mga nagkalain-laing kahilayan, sa gihapon wala nawala ang tradisyon nga modagkot ug kandila inig agi sa imahe ni San Pedro. Anaa usab ang kahiusahan sa paghatud, pagkuha ug pagtambong sa Santos nga Misa. Kini pito na ka tuig nga gipahitabo una moabot ang ikasiyam nga novena alang sa Patron nga si San Pedro. (Rosalinda Jabonillo | SPC SoCCom)