Viva Sr. San Pedro!

Ang ika 169 fiesta celebration sa San Pedro Cathedral niadtong June 29, 2017 ug ang ika-37 Anniversary of Dedication of the Metropolitan Cathedral last June 28, 2017 nagsubay sa tema nga: San Pedro Simbolo ug Sumbanan nga Nagagiya sa Kahiusahan sa Katawhan.

Nagsugod ang maong mga kalihukan niadtong Mayo 16, 2017 diha sa Panaw-duaw sa (32) ka kapilya. Adunay katesismo nga gipahitabo sa Formators Ministry (GKK, Formation, and FLA), ug nahuman kini ug Santos nga Misa uban sa mga nagkalain-laing pari matag adlaw. Ang mga GSL ug mga membro nag-uban niini matag gabii, hangtud nga nahuman ug gihatud kini balik sa katedral niadtong June 17, 2017.

Matag adlaw adunay mga nagkalain-laing activity nga gipahitabo sama sa kasalan ng bayan, bloodletting, medical, dental and eye check-up. Atol sa maong kalihukan adunay natawo nga usa ka batang babae diha dapit sa belen likod sa simbahan ug ginganlan kini ug Avelina ni Msgr Leonardo Vicente, Parish Administrator ug sa ubang kaparian tungod sa maong lugar nga natawhan.

Arun mahiusa diha sa nasudnong tema sa simbahan karung tuiga nga “Parish: Communion of Communities” ang Cultural Nights nga gipangulohan sa mga batan-on naghiusa sa katilingban nga maoy manguna sa maong pasundayag pinaagi sa sayaw sa nagkalain-laing tribo ug lugar: Zone 1 – Hermosa gikan sa Zamboanga, Zone 2 – Dinagyang Festival sa Ilo-ilo, Zone 3 – Kadayawan sa Davao, Zone 4 – Maskara sa Bacolod ug ang Zone 5 – Ati-atihan Festival sa Cebu.

Niadtong June 28, 2017 gipahitabo usab ang tinuig nga prosisyon ug gitambungan sa mga 32 ka kapilya uban ang katilingban diha sa ilang mga patron nga gipanindot kini ug gisakay sa mga trisikad ug nilibot sa lugar diin sakup sa parokya. Gisaulog usab ang usa sa pinakadakung kalihukan nga mao ang ika-37 anniversary of Dedication of the Metropolitan Cathedral nga gisalmotan sa mga inilang katawhan sa Davao.

Ang hinulat nga kasaulogan mao ang pagtaud sa bag-ong belfry ug ang pagblessing niini nga gitambungan sa pinasidunggang dinapit nga si Hon. Sara Duterte-Carpio. Nagmalampuson ang maong mga kalihukan ug tinabangan sa Patron nga si Sr. San Pedro. (Rosalinda Jabonillo | SP SoCCom)