Dugang PSL sa parokya sa Buhangin gipadala

Nahadugang ang 16 ka mga Pangulo sa Liturhiya (PSL) sa 115 ka mga PSL sa St. Mary of the Perpetual Rosary Parish.

Sila ang mga bag-ong pangulo nga nakahuman sa PSL-1 seminar, basic seminars ug retreat nga gihimo didto sa Indangan.

Ang maong retreat giapilan sa tanang PSL sa parokya sa St. Mary. Tungod sa kadaghan sa mga partisipante, gibahin kini sa tulo ka batch.

Ang unang batch gihimo niadtong Mayo 20 ngadto sa 21, ang ikaduha Mayo 27 ngadto sa 28 ug ang ikatulong batch gihimo niadtong Hunyo 3 ngadto sa 4. Kini gipatigayon aron mahatagan og igong pagtagad ang mga mi-apil sa retreat.

Ang nangulo sa maong PSL retreat mao mismo ang Parish PSL coordinator nga si Brod. Jun Nardo. Ubos usab sa boluntaryo nga pag-alagad sa duha ka PSL nga mao sila Brods. Cesar Buagas ug Bong Lupo sila ang mga kusinero nga mitugyan sa ilang talento aron mabusog ang kaubanang mga pangulo.

Ang mga PSL gi send forth sulod sa Santos nga Misa alas 9:30 sa buntag, Hunyo 25 nga gipangulohan sa Kura Paroko Fr. Jess Samaniego. Ang tanan nanumpa ug mitubag “Andam ug Uyon Ako”. (Naldz Villodres | SMPR Parish SoCCom)