Filipino Youth with a Mission nagtapok sa Samal

Ang Filipino Youth with a Mission (FYM) kauban ang Mission Society of the Philippines (MSP) ug Fil-Mission Auxiliary Association (FMAA) nagpatigayon sa ika-upat nga National Assembly sa HCDC – MTC, Camudmod, Babak District, Island Garden City of Samal, niadtong Mayo 5, 6 ug 7 subay sa tema, #SHARE (Spread, Hold, Act, Renew, Embrace) the Faith.

Tumong sa maong asembliya nga ipadayon sa pagpakaylap sa pagtuo sa mga batan-on nga mga misyonero isip young lay partners sa MSP ug FMAA. Gihagit usab ang mga batan-on sa paghupot sa ilang pagtuo pinaagi sa pagbutang sa ilang huna-huna nga ang Ginoo lamang ang sumbanan sa pagtuo.

Gipahayag ni Fr. Mario John Paul F. Tejada, MSP nga pinaagi sa pag-ampo, ato pang mapatubo ang pagtoo diha sa Ginoo, ug ang gasa sa pagtoo angayang pagapuy-an, angayang pagasaulugon, ug angayang ipaambit sa uban.

Matud pa ni Fr. Hamilton F. Cruz, MSP nga ang pagpasaylo sa mga nakasala sa ato usa ka dakong expression sa paghigugma sa atong isigkatawo ug isip usa ka misyonero angayan kitang mahimong maayong ehemplo sa uban.

Nag reporting usab ang FYM Mandaluyong, Cebu ug Davao diin gipili usab ang bag ong FYM national officers na mutan-aw ug mudumala sa mga kalihukan sa FYM.

Kini nga asembliya ginapatigayon kausa sa 2 ka tuig a managlahing rehiyon sa Pilipinas. (Edsan Colin V. Santander | ICP-Mintal SoCCom)