Youth Camp sa Holy Family Parish

Gipahigayon ang youth camp sa Holy Family Parish sa Baliok, Davao City niadtong Mayo 11 to 13. Gitambungan kini sa setentay dos ka mga batan-on aron mapadayag ilang gugma sa Ginoo ug mapalawom ang ilang relasyon sa matag usa.

Sa unang gabii, nagpahigayon sila ug masquerade party isip pag-abli sa 3 ka adlaw nga aktibidad.

Ang programa gitambungan sa mga ginikanan, GKK Servant Leaders ug kura paroko nga si Fr.Ricky C. Peñalosa nga nagpadayag sa ilang suporta sa mga programa sa mga batan-on.

Matod pa ni Raymond Tandoy, PSB parish Ccordinator, daghang nakat-unan ang mga partisipante sa maong panagtigom. Isa niana ang pag-andam sa ilang pagkaon kay sila mismo ang nagaluto.

Sa gihimong mga aktibidad, nasinati sa mga partisipante ang presensya sa Ginoo. Ilang nasabtan nga bisan pa man sa ilang mga nabuhat nga dili haum sa kagustuhan sa Ginoo, wala siya gibiyaan ug gipasag-dan sa Ginoo apan sila gihulat nga mutubo sa kaalam ug kahibalo. Naglaum sila nga dili unta kini ang ulahing higayon sa pagpahigayon ug youth camp. (Flor Arellano-Deloria | HFP SoCCom)