Higugmaon ang kabus

Excerpts from the homilies, San Isidro Labrador Parish (Catalunan and Lumondao)
May 14 and 15, 2017

Higugmaa ang kabus sama sa paghigugma ni San Isidro Labrador kanila. Usa ka mag uuma, masaligon nga misangpit siya kada adlaw sa Diyos pinaagi sa pagtambong ug Santos nga Misa. Alang kang Yanong Muloy, angay nga magsadya ang tibuok Simbahan sa mga santos, “kini ang atong gift of faith kay daghan tang malingian ang we walk towards the journey that could tell us, ‘just do it.’”

Hagit niya sa parokyano sa Catalunan Grande sa iyang wali, “kamo ang living stones built on Jesus who is the Key Stone; you can build other stones; its value is for you who have faith. Go to Jesus, be close to Him and in Him find the way.”

Samtang sa mga parokyano sa Lumondao, mensahe niya: “Tambong sa misa, mag inapilay, maghiusa sa kasingkasing ug hunahuna.” Ang presensya sa mga Gagmay’ng Kristohanong Katilingban matud pa niya, makahatag ug pagtagad sa tanan. “Walay eskapo, tagdon tanan. Ang parokya mao ang kahiusahan sa mga katilingban. Magtinagdanay kamo.”

Sa managlahing selebrasyon sa kapistahan, tataw ang panaghiusa. Sa Catalunan Grande, “it is a way of life na nga kada misa naa mi pakaon, gikan sa parokya o sa mga parokyano. Dinhi among ginapakita nga walay kabus kung magtinabangay,” matud pa ni Dina Caballero, ang parish SoCCom coordinator. Sa Lumondao, ang mag-uuma nga si Crispin Batuto, Jr., PSL coordinator miingon nga si San Isidro gayud ang iyang sumbanan labi na sa pagka mainampoon niini. Sa iyang pag atiman sa kaumahan ug pagserbisyo sa Simbahan isip GKK Servant Leader sulod sa 17 ka tuig, gusto niyang makat-onan ang “style ni Kristo, ang style ni San Isidro” nga gihisgutan usab sa homiliya ni Arsobispo Valles. “Kada tambong nato sa misa, ang panaghiusa ma-translate nato sa paghinugasay sa tiil sa imong silingan, kauban. Sa kakabus ni San Isidro, adlaw adlaw siyang miduol sa Eyukaristiya.”

Sa katapusan, gipahinumduman ang tanan “to check kung kumusta na ang atong panaw. We have San Isidro as a kind of a mirror to check our journey.”