Buhat sa Kalooy sa mga deboto sa Divine Mercy

Ang mga deboto sa Divine Mercy sa St. Francis of Assisi Parish sa Laverna ug San Miguel Parish, Panacan nagpahigayon ug Buhat sa Kalooy kon Corporal Works of Mercy atol sa bisperas sa kapistahan sa Diosnong Kaluoy niadtong Abril 23, 2017.

Ang mga recipients sa maong Buhat sa Kaluoy mao ang 24 ka pamilya nga nasunugan tulo ka semana na ang milabay. Malipayon kaayo ang mga pamilya nga midawat sa bugas ug sa mga used clothing nga gipang apud apud sa mga deboto.

Matud pa ni Pengpeng Sardocilo, usa sa mga pamilya nga nasunugan, “nagpasalamat gayud ako sa community sa Divine Mercy kay nabati namo nga wala gayud ko gipasagdan sa Ginoo bisan pa sa trahedya nga miabot sa among kinabuhi.”

Mapasalamaton usab ang mga deboto sa tanang miyembro nga mitabang pinansyal alang sa kalihukan. (Sylvia Gamaya Orbeta | SFAP-La Verna SoCCom)