Pamalandong sa Cuaresma

Ang Mati Catholic Media naga-aghat sa tanan nga maghatag sa tukmang panahon alang sa pagpamalandong ug pag-andam sa kaugalingon alang sa makahuluganong pagsaulog sa mga misteryo paskwal—kasakit, kamatayon, pagkabanhaw—sa atong Ginoong Hesukristo.Kini ang mahimong tutok sa mosunod nga mga pagmantala alang sa paghinulsol ug pagduyog sa atong Manunubos sa iyang pagpas-an ug kamatayon sa Krus ngadto sa iyang pagkabanhaw.  Hinaut nga masinati nato ang mga grasya sa Diyos uban ni Maria ang Birhen Dolorosa, sa pagpadayon sa atong panaw niining balaang panahon sa Cuaresma ug mga Mahal nga Adlaw.  Magbasa, mag-ampo, magkumpisal, magpuasa, magpugong sa kaugalingon, ug moduyug kita sa mga kasaulogan sa simbahan aron malinis ang atong mga kasingkasing ug mapuy-an nato ang kahiusahan,ug diwa sa kamanggihatagon ug pagpasaylo. Salig lang sa grasya sa Diyos.