Anti-Illegal logging campaign gipakusgan

Gipakusgan sa karon ang anti-illegal logging campaign sumala ni Department of Environment and Natural Resources kon DENR Region XI Director Joselin Marcus Fraga pinaagi sa usa ka Press Conference kaniadtong Hulyo 15, 2013 nga gipahigayon sa SM City of Davao.

Matod ni Fraga, sa 66 ka mga hotspot baranggays sa Region XI, 16 na lang ang nahibilin tungod sa pagpakusog sa maong campaign. Ang pagpakusog sa maong kampanya mahitungod sa nagkandaiyang mga rason. Ang nag-unang rason mao ang illegal nga pagpamutol ug kahoy o illegal logging. Dugang niya, kusog sa Region XI ang maong ginadili nga aktibidad.

“Ang mga makompiska o nakompiska nga mga kahoy nagkalat dinhi sa Rgion XI.”, ingun ni Fraga. Dugang niya, “Ang mga abandoned logs o mga kahoy nga wala na’y mo-claim, amo kining gina-donate sa mga eskwelahan aron magamit paug himoong lingkoranan o kaha lamesa nga dakong tabang para sa mga estudyante hilabi na n ag mga public shools nga dagko ang populasyon ug nakul;angan ug bangko o lamesa”.

Matod ni Fraga, dagahan ang napasanginlan nga illegal nga gapamutol ug kahoy, apan lamang dili kini madakpan sa akto busa isa sa ilang solusyon sa kasamtangan ka yang pag “involve” sa mga Local Government Units kon LGU para mas daling madkpan kining nagapamutol.

Sunod semana muabot ang gi request sa Region Xi nga makina nga ginatawag ug “SKY EYE”. Kini aron ma monitor gayod ang mga lugar kong diin “frequent” ang illegal nga pagpanutol ug makatabang usab sa samot nga pagkakusog sa Anti-Illegal Logging Campaign sa Department of Environment and Natural Resources.

Panawagan ni Fraga, kung adunay makita o makasakop ug illegal nga pagpamutol, mutawag dayon sa ilang opisina aron ma aksyonan dayon ug mapasakaan ug kaso aron dili makalusot ang mga “violators”.

Gihimo ang anti-illegal logging campaign tungod sa mga kalamidad nga nahitabo sa mga milabay’ng tuig nga dala sa pagka-kalbo sa mga kabukiran. Ang illegal logging ang kasagaran nga hinungdan nga mahitabo ang landslide ug pagbaha tungod wala nay mga punoan nga musuyop sa tubig gikan sa bukid. (@dcherald)

Chilly L. Enetorio/Contributor