Prayer and Life Workshop nakatabang sa batan-on sa Padada

Ang Prayer and Life Workshop (PLW) nakita nga usa ka mahinungdanong aktibidad aron magpalalum sa pag-ampo ug pagkinabuhi sa kabatan-onan sa St. Michael Parish-Padada. Uban sa mga mikuyog ug migahin ug panahon sa pakiglambigit mao sila si Rojean Ordaneza, Remby Roca, Lyka Antipolo, Crisa Evedientes, Linrey Sablas ug si Rhizter Rafaela kauban ang upat pa ka higala sa nagkadaiyang lugar nga miapil.

Ang ilang guide nga mao si Sr. Mary Grace Antonnette Cañamo, OSB didto sa Our Lady of Peace Abbey, Cogon, Digos City. Nagsugod ang unang sesyon niadtong January 8, 2017 ug mahuman sa Abril 30 (Desert Day). Matag dominggo sa alas 2:00 hangtud alas 4:00 sa hapon ang pakighimamat sa mga Pulong sa Bibliya ug pagpasidungog sa mga pagpalalum uban ni Fr. Ignacio Larañaga. Siya miingon, “diha sa simbahan kung seryoso ang pagtagad kang Hesus, seryoso usab sa paghatag ug pagtagad sa mga kabus.”

Usa ka partisipante nga si Rojean miingon nga, “mabungahon ang pagpuyo uban sa lawum nga pag-ampo.”

Subay sa unang sesyon mahitungod sa pag-ampo usa ka pangutana ang nagpabiling mahinungdanon sa mga kabatan-onan nga mamahimo usab nga kuhaan ug repleksyon: “Nabati na ba ninyo ang kahaw-ang sa kinabuhi nga maskin anaa na kanimo ang tanan apan aduna pa gayu’y kulang? Nasayod ka ba nga ang Diyos lamang ang makapuno sa kahaw-ang sa imung kinabuhi?”

Si Sr. Canamo ang magpalalum sa ikanapulo’g ug hangtud ikanapulo’g lima nga sesyon. (Rhizter Cedeno | SMP-Youth Padada)