The Holy Week That Was – Davao

Ang estasyon sa Cross (Via Crusis) sa San Roque Parish Malabog gibahin kini sa tulo ka grupo sa Km.8 Sona 2, Upper Calcal Sona 8 ug Sitio Quarry Sona 4. Ang mga apostoles niini mao ang mga seminarian sa Malabog. Dungan nagsugod ang maong Via Crusis sa alas 4:00 sa kaadlawon. Gitapos sa sulod sa simbahan sa among kura patoko nga si Fr. Jemasol Ortiz ang aktibidad. Human niini, gipakaon ang tanan aron mahuwasan sa kagutom sa pagbaklay pasaka sa taas ug paglugsong hangtud mahuman nila ang 14 ka estasyon.

Si Nanay Fe Amora usa ka senior citizen nibagtas ug sayo aron lamang maka apil sa maong prosesyon. Wala niya panumbalinga ang gilay-on sa pagbaktas. Pasalamat siya sa Ginoo sa iyang pagsakripisyo alang sa tanang makasasala. “Kini akong pag apil matag Semana Santa sa prosesyon maoy nakapalig on kanako, dili lang sa pagpamalandong, pagsakripisyo kun dili nakatabang ug kalig-on sa akong lawas”, panapos ni Nanay Fe. (Imelda Overiz | SRP Malabog SoCCom)