Marellos and Marellettes Formation

Nagpahigayon ug Pangulo sa Batan-on (PSB) – Marellos and Marelettes ang San Francisco de Asis Parish Tagakpan niadtong Abril 1, Sabado. Ang Marellos mao ang tawag sa mga Altar Servers, ug Marellettes ang tawag sa mga gift bearers sa parokya. Kini nga aktibidad gisalmutan sa kapin 700 ka mga bata nga nagtungtong na ug Grade 3, ug nakadawat na sa Sakramento sa Komunyon.

Gisugdan ang formation seminar pinaagi sa usa ka animation nga gipangunahan sa PSB-Joseph Marello Youth sa parokya. Gisundan kini sa first talk ni Rev. Francis Elly Capuno, OSJ, ang Youth Director sa parokya. Iyang gihatagan ug duot ang mga katungdanan sa Marellos ug Marellettes. Pagkahapon, gipahigayon ang second talk ni Bro. Ruel Bayabos, us aka seminarian. Iyang gihatagan ug bili sa iyang talk ang pito ka sakramento. Usa pa matapos ang seminar, naghatag sa third talk si Christian Embad, usa ka seminarista. Iya usab gihatagan ug duot ang kaimportante sa pag-ampo isip sumusunod ni Kristo.

Malampuson ang unang adlaw sa pormasyon, ug nanghinaut ang mga nangulo sa maong kalihukan nga mulahutay pa ang mga katabaan sap ag-apil sa ikaduhang bahin sa pormasyon. Ug usab, ilang mapuy-an ang ilang nakat-onan diha sa ilang pagserbisyo sa Ginoo ug sa parokya. (Frelyn Torreon | SFDA SoCCom)