Ateneo Outreach

Ang Araling Panlipunan Department sa Ateneo de Davao Grade School nagpahigayon ug outreach program sa Providence House of St. Joseph the Worker sa Tugbok Davao City. Ang maong institusyon usa ka sentro nga nagaatiman sa mga batang walay mga ginikanan ug mga giabandona. Kini gidumala sa Sorelle Missionarie Dell’Amore di Cristi (SMAC). Sa maong pagbisita nanghatag ug mga bag ug school materials ang mga magtutudlo nga usa sa mga produkto sa Performance Task sa Araling Panlipunan Class sa Grade 4. Nalingaw pod pag-ayo ang mga bata sa mga parlor games nga giandam sa mga magtutudlo. Matud pa ni Sister Luz Pepito, tagdumala sa orphanage, usa ka dakong grasya ang pag-abot sa mga taga-Ateneo tungod kay kini nagpakita ug pagmahal sa mga bata nga ilang giatiman. Pinaagi sa pagsayaw ug pagkanta, nagpasalamat ug dako ang mga bata sa gasang ilang nadawat gikan sa mga estudyante ug magtutudlo sa Ateneo de Davao Grade School. Naghinaot si Sister Luz ug ang taga-Ateneo nga kini dili unta ang unang higayon nga magkita ang mga bata ug mga magtutudlo sa Ateneo. (Flor Deloria)