Paghinugasay ug tiil, nakatandog sa formators

Gipahigayon ang Basic Bible Seminar-2 (BBS-2) sa mga Formators sa St. Mary of the Perpetual Rosary Parish, Buhangin niadtong Marso 12, 2017 sa Brothers of the Holy Family House. Ang maong seminar usa sa mga bulohaton sa pagbag-o sa panaad isip mga Parish Formators. Ang mga rollesta naga gikan sa nagka lain-laing parokya sa Archdiocese nga naglangkub sa Archdiocesan Bible Apostolate of Davao (ABAD) gipangulohan sa spiritual director nga si Fr. Ritsche J. Gamaya.

Ang unod sa maong BBS-2 seminar mao ang pagdiskubre pag usab sa kaugalingon aron madasig ang tanang formators ug mapalaum ang ilang pagsabot sa buhing Pulong sa Dios diha sa ilang pagpangalagad. Ang sentro nga kalihukan mao ang pagpahigayon sa paghinugasay sa ilang tiil timaan sa mapaubsanong pagpangalagad subay sa panig-ingnan ni Kristo. (Lina Montilde, Parish Formator | Hermie Mapute, Parish SoCCom)