Cf. Kompendiyo sa Katekismo sa Simbahang Katoliko, 80-82)

Nagatuo Ako Kang Hesukristo, ang Bugtong Anak sa Dios

P: Unsaon man pagsabwag sa Maayong Balita ?

            T: Gikan pa sa sinugdanang mga unang tinun-an nainit sa pagandoy sa pagmantala kang Jesucristo aron madala ang tanan sa pagtoo diha kaniya. Bisan karon, gikan sa mahigugmaon nga pag-ila kang Cristo mitubod diha sa mga matuuhon ang pangandoy sa pagsangyaw ug pagtudlo, sa ato pa, pagpadayag diha sa Persona ni Cristo sa kinatibuk-ang plano sa Dios ug paghiusa sa katawhan uban kaniya.

P: Unsa may kahulogan sa ngalan “Jesus”?

            T: Ang ngalan ”Jesus” nga gihatag sa anghel panahon sa Pagpahibalo nagakahulogan og “Ang Dios nagaluwas”. Ang ngalan nagapahayag sa iyang pagka-siya ug sa iyang misyon “kay luwason niya ang iyang katawhan sa ilang mga sala” (Mateo 1:21). Gisangyaw ni Pedro nga “walay laing ngalan nga gihatag sa katawhan sa tibuok kalibotan nga makaluwas” (Acts 4:12).

P: Nganong gitawag man si Jesus og “Cristo”?

            T: “Cristo” sa pinulongan nga Griyego, “Mesiyas” sa  Hebreo, nagkahulogan nga “dinihogan”. Si Jesùs mao ang Cristo kay gibalaan siya sa Dios ug gidihogan sa Espiritu Santo alang sa iyang matubsanon nga misyon. Siya ang Mesiyas nga gipaabot sa Israel, nga gipadala sa Amahan sa kalibotan. Gidawat ni Jesùs ang titulo nga Mesiyas apan iyang gipatin-aw ang kahulogan niini: “nanaog gikan sa langit” (Juan 3:13), gilansang sa krus ug dayon nabanhaw, siya mao ang Mainantoson nga Alagad nga “naghatag sa iyang kinabuhi aron pagluwas sa daghang tawo” (Mateo 20:28). Gikan sa ngalan Cristo naggikan ang atong ngalan nga Kristiyano.