GKK evaluation gipahigayon

Nagpahigayon og pagtasa kon evaluation ang mga GKK Servant Leaders sa Immaculate Conception – Deca Homes nga nahisakop sa St. Mary of the Perpetual Rosary Parish kaniadtong Enero 18, 2017.

Gihimo ang pagtasa sa mga dagkung kalihukan sa GKK sa niaging tuig 2016. Ang maong panagtigom nagtuki sa tagsa-tagsa nga kahayag, kangitngit ug hinungdan sa mga panghitabo sa katilingban.

Kining pagtasa usa ka pamaagi aron mapahayag ang mga maayong buhat ug ang mga kakulangan aron mahatagan og pagtagad. Aron mapalambo ang mga kalihukan sa GKK ug mga ministriya nga diin nalambigit ang matag usa adunay mga sugyot nga gihatag ang matag GSL nga mitambong.

Kining maong kalihukan usa ka dakong tabang aron ang tanan nga nangalagad kang Kristo Hesus magpabilin nga tunhay ug aktibong mopartisipar sa iyang kaugalingon nga puno sa gugma, kalinaw ug paglaum. (Norie Santillan | SMRP SoCCom)