Pag-Ampo alang sa Parokya

Official Prayer for the Year of the Parish as Communion of Communities

Mamahimo kining madunggan sa DXGN 89.9 Spirit FM nga ginaampo mismo ni Yanong Muloy

* * * * * *

Mahigugmaong Dios, Imo kaming gitigom isip katawhan sa bag-ong kasabotan
nga gisilyohan sa dugo sa Imong pinalanggang Anak, si Jesukristo nga among Ginoo.

Imo kaming giumol aron mahimong katilingban sa pagtuo, paglaom
ug paghigugma; usa ka parianon, propetanhon ug harianong katawhan.

Mapaubsanon kaming naghangyo kanimo, himoa ang among mga parokya
nga mahimong tinuod nga kahiusahan o komunyon sa mga katilingban;
usa ka masimbaho’ng katilingban, masaksihon, nagasangyaw
ug maalagaro’ng katilingban.

Giyahi sa Imong kaalam ug gugma, ang among mga kaparian,
mga relihiyoso ug laykong mga pangulo
ug tanang lumilihok diha sa parokya.

Panalangini ang tanang mga parokyano
nga myembro sa parokya ug sa mga GKKs, diha sa ilang paghalad
sa ilang panahon, talento ug bahandi isip piniyalan sa mga grasya
nga Imong gigasa kanamo, alang sa pagtukod ug pagpalambo sa Imong Simbahan.

Hinaut nga ang Espiritu Santo maglamdag, magdasig ug maglig-on kanamo
alang sa aktibong pag-apil diha sa misyon nga Imong gitugyan kanamo
diha sa parokya. Magpadayon unta kami nga usa ka katilingban
nga kanunay anaa ang pagpamalandong, nagabasa sa mga tilimad-on
sa panahon ug nagahubad niini sumala sa kahayag sa Ebanghelyo.

Mahimo unta kaming patubo diha sa sociedad pinaagi sa pagpatuhop
sa Ebanghelyo diha sa tanan niyang mga hut-ong ug aron sa pagpahan-ay niini subay sa mga mithi sa Gingharian.

Ug himoa nga ang diwa sa pagtinabangay ug pagdawat sa kaakohan
sa matag-usa magdala unta kanamo ngadto sa mas halapad
ug mabungahon’g kahiusahan diha uban Kanimo ug sa usa’g usa.

Kini among gipangayo pinaagi ni Kristo, among Ginoo. Amen.