GKK Sta. Teresita, daug sa Belen contest

Gidawat sa mga GKK Servant Leaders sa Santa Teresita GKK, sona 10 sa San Roque Parish, Malabog ang premyo isip 3rd placer sa Belen Contest sa DXGN 89.9, human ilang Kasaulogan sa Pulong niadtong Enero 14, 2017.

Sumala ni Dioscoro Procorato, PSL gipaadto niya iyang asawa sa SoCCom Coordinator aron mapicturan ang ilang Belen human niya kini madunggan sa radio. Nagpasalamat siya sa miembro nga nagtabang pagbuhat sa Belen nga gama sa recycled materials.

Matud sa PSK Elineto Amora malipayon siya nga madungagan ang pondo pagpalit sa atop sa kapilya. Ang grocery items gihatag sa mga nagbuhat sa Belen sama sa pamilya ni Jenifer Amora.

Kini ang kinaunhang Belen Making contest nga giapilan sa maong GKK. (Imelda Overiz, SRP SoCCom)