JMY elections sa Tagakpan, gipahigayon

Nagpahigayon ug election of new set of officers ang mga PSB kon Joseph Marello Youth sa San Francisco de Asis Parish niadtong January 9. Ang maong eleksyon gisalimutan sa JMY Core Group, JMY Marshalls, mga officers sa nagkadaiyang mga GKK nga sakop sa Tagakpan.

Hapsay ug nagmalampuson ang dagan sa eleksyon, ug nadeklara isip presidente si Ms. Frelyn Torreon, LPT, bise-presidente si Mr. Fryde Ayno, secretary si Ms. Jessa Sayre, treasurer si Ms. Rhea Namang, ug Auditor si Mr. Benz Sedentario. Silang tanan uban ang mga bag-ong GKK ug Zone Representatives maoy magdumala sa mga kalihukan sa mga kabatan-onan sa parokya sa tuig 2017.

Matud pa ni Ms. Frelyn Torreon, ang bag-ong JMY-PSB president, tumong niya nga mapadayon ang pagkaaktibo sa tanang youth sa parokya sa pagsalmot sa mga parochial activities, ug magpahigayon ug mga programa nga makapalambo sa Kristohanong pagtoo ug kasadig sa pagserbisyo sa mga kabataan.

Nagalaum ang mga new officers sa JMY-PSB nga sila unta malamdagan sa Espiritu Santo aron sila padayon nga mamahimong servant-leader ug maayong ehemplo sa mga kabatan-onan sa Tagakpan. (Jeffren P. Miguel)