Search for the Most Popular GSL Secretary

Nagpasiugda ang Finance Committee sa Virgen delos Remedios Parish sa pagpili ug kandidata sa tanang secretary nga GKK Servant Leaders. Tumong niining kalihokan nga gititulohan, “Search for the Most Popular GSL Secretary”, mao ang paghatag ug importansya kanila samtang mugahin ug pondo alang sa konstruksiyon sa Simbahan.

Kini atol usab sa ika-unom nga tuig nga kapistahan sa Virgen delos Remedios karong Pebrero 2. Adunay P 1,000 pesos nga registration ang matag muapil gawas sa sobre nga ihatag sa parokya. P’wede usab moapil ang asst. secretaries o representatives nga kwalipikado nga gi endorsar sa Pangulo sa Katilingban. Hatagan ug pasidungog ang Top 3 nga modaog ug tanang runners-up.

Pagahimuon ang koronasyon karong umaabot nga Enero 29, sa basketball court sa parokya. Alang sa dugang impormasyon mahimong mubisita sa Finance Office sa parokya. (Lilibeth Sancover | VDRP SoCCom)