Panaghiusa sa Cursillistas gipahitabo

Nag Christmas party ug Family Day ang grupo sa Cursillos in Christianity sa Archdiocese sa Davao sa San Roque Parish, Malabog, niadtong Enero 7.

Human sa Misa ni Fr. Jemasol Ortiz sa buntag, gisugdan ang kalihukan likod sa parokya. Kini gitambungan usab sa mga lideres sa onse ka mga sona.

Matud pa ni Sis.Marilyn Soria, usa ka Cursillista, kining nga Family Day ug Christmas Party gihimo aron magkahiusa ug mapakita ang gugma sa usa’g-usa.

Gihimo sab ni aron magkasundurotay ang mga taga Malabog ug taga syudad.

Mensahe ni Rodolfo Cajera Sr., Men’s Cursillo Batch 208 sa San Roque Parish, nga kini maoy pagsugod sa pagbalik-lantaw sa kinabuhing kristohanon, pagpalig-on sa pagtoo alang sa pagpangandam sa paglaum sa ikaduhang pagbalik ni Kristo. (Imelda Overiz, SRP SoCCom)