Advent, Christmas ug liturgical calendar?

Mamumulong si Yanong Muloy sa Recollection and Renewal of Commitment sa mga GKK Servant Leaders sa St. Joseph Parish, Sasa di pa lamang dugay.

Nagbalik-lantaw siya sa mga nahitabo sa bulan sa Nobyembre ug Disyembre. Matud pa niya nga nagsugod ang advent niadtong Nobyembre 27 ug milungtad hangtud Disyembre 17. Ang mga basahon naghisgut sa ikaduhang pagbalik ni Hesus.

Sugod Disyembre 18 hangtud Disyembre 24, ang mga basahon nagkanayon sa paghandum sa pagkatawo sa Ginoo. Matud pa ni Yanong Muloy nga mao kini ang “pagpangandam sa ikaduhang pag-abot ni Hesus.”

Sa atong panimalay, anaa usab ang pagpangandam. Gani, nagbutang kita ug dekorasyon, sama sa Belen. “Christmas is about the Birth of Jesus”, dugang pa niya. “Ang mga Christmas lights, Christmas tree, parol, mga kadasig ra kini sa pagsaulog sa Pasko apan, ang pinakaimportante mao ang pagsimba sa siyam ka novenang gisaulog sa Misa de Gallo.

Naghisgut usab siya sa liturhiyanhong kalendaryo (liturgical calendar).

“Nagsugod kini sa pagkamatay ug pagkabanhaw ni Hesus. Ang dakung kapistahan niini mao ang Pasko sa Pagkabanhaw (Easter). Kahinumduman nga sa kalbaryo nahitabo ang tanan, ug ang mga tawo nagkanayon, ‘Indeed! He is the Son of God.’ Diha sila nakamatngon kinsa si Hesus ug gibalik-lantaw nila ang kaggikan ni Hesus.’

Gipasabot sa Arsobispo kung nganong nagabalik-balik ang cycle sa kalendaryo sa Simbahan. “Ang rason mao nga kita kada tuig nagadayeg sa Ginoo ug mas mopalawom pa ang pagtoo, kainit ug kauhaw sa Ginoo, diin sa missal nagkanayon, ‘Buhata kini sa akong handumanan.’

Ang iyang pagbisita nakapadasig sa mga lideres parokya. (Carmen Timario/SJP SocCom)