Advent recollection gipahigayon sa San Antonio Parish

Ang Advent Recollection sa Parokya sa San Antonio, Agdao, napahigayon sa sulod sa Simbahan sa San Antonio niadtong Nobyembre 23 ug 24, 2016 sa alas siete sa gabii.

Kini gihatag ni Rev. Fr. Marbendear Morallas, DCD, alang sa mga GSL ug miyembro sa ilang 79 ka GKK ug sa mga estudyante sa Holy Cross of Agdao inubanan sa ilang mga ginikanan.

Pinaagi sa maong recollection napalawom ang ilang pagsabot sa parokya ug GKK tungod sa paghan-ay ni Fr. Morallas sa mga panghitabo sa kinabuhi ni Kristo nga mao ang sukaranan ug pundasyon sa Kristohanong katilingban.

Nahimong gaan ang ilang pagdawat sa pagtulun-an tungod sa masadya nga pagpaambit ni Fr. Morallas sa iyang kahibalo ug mga personal na kasinatian sa parokya ug GKK.

Ang kalipay ug pagpasalamat sa mga parokyano ug uban pa nga mitambong giingon ni Fr. Leonie H. España, ang kura paroko sa SAP.

Matag tuig na kining ginapahigayon sa parokya nagapahigayon og Advent Recollection.

Sa laing bahin, ang “Kumpisalan sa Parokya” mahitabo karong Disyembre 13, sa simbahan, alas 6:00 sa gabii. Giawhag ang tanang parokyano sa pagdawat sa Sakramento sa Pakighiuli aron sa pagduyog sa kalihukan sa Simbahan niining panahon sa Adbyento ug paghatag og bili sa kaugalingong pagpangandam sa kapanganakan ni Kristo, ang Manunubos.