GKK sa Cabantian andam na sa pista

Nagpahigayon og pre-fiesta assembly ang Immaculada Conception, Deca Homes, Cabantian nga nahisakop sa parokya sa St. Mary of the Perpetual Rosary, Buhangin niadtong Nobyembre 27, 2016, sa gabii isip pagpangandam sa umaabot nga kapistahan sa Patron.

Madasigon nga gipaambit ni Bro. Melvin Boyles, Pangulo sa Katilingban (PSK) diha sa Parish Pastoral Team members, GKK Servant Leaders, ug mga miyembro sa katilingban ang kasaysayan sa pagtukod sa GKK, mga kaayohan ug hagit, plano sa kapistahan, novena schedules, prayoridad sa GKK,lakip ang pagpa-ila sa GSLs.

Gireport sa treasurer ang status sa panudlanan sa GKK ug gibasa sa GKK SoCCom ang sulat nga gikan sa Arsobispo mahitungod sa kahalangdon sa mga awit ug dekorasyon sa adbyento.

Nagsugod niadtong Nobyembre 29 hangtud Disyembre 7 ang pagrosaryo, Novena ug Hiniusang Pag-ampo sa alas 7:00 sa gabii.

Ang prosesyon sa Mahal nga Birhen pagahimuon sa bisperas sa adlawn’g Miyerkules Disyembre 7, 2016, alas 5:30 sa hapon sulod sa subdivision.

Sa Disyembre 8, adlaw sa kapistahan, alas 4:30 sa buntag magsugod ang pagrosaryo ug mosunod dayon ang Santos nga Misa, alas 5:00 sa buntag, nga pangulohan ni Fr. Leo D. Aporbo, TOR.

Nakalatid sa programa sa kapistahan mao ang socio-cultural diin pagapilian ang lima ka mga kandidata sa Miss Teen Immaculada ug mga larong Pinoy nga salmutan sa mga bata, batan-on, ug hamtong aron masinati ang pakighiusa sa matag miembro sa katilingban.

Inig kahuman sa assembly gisaulog ang Santos nga Misa nga gipangulohan ni Fr. Jon Saguban, TOR.

Ang pre-fiesta assembly ginapahigayon una pa man magsugod ang fiesta novena sa kada GKK. (Norie Santillan | SMPRP SocCom, Photos: Hermie Mapute, SMP SocCom)