Tuig sa Parokya ilusad

Human malusad ang Tuig sa Parokya sa Diyosesis sa Mati niadtong Disyembre 14 atol sa anibersaryo sa dayosis, nangandam karon ang ecclesiastical region sa dayosesis sa Davao, Tagum, ug Digos alang sa paglusad sa Tuig sa Parokya isip Kahiusahan sa Katilingban. Kini maoy nag-unang gituki sa ulahing panagtagbo sa mga kaparian ug sa mga layko sa Tagum. Tema sa Tuig sa Parokya mao ang “Pagporma, Pagpalig-on ug Pagkamalungtaron sa mga Gagmay’ng Kristohanong Katilingban sa kahiusahan, partisipasyon ug misyon.”

Giplano na sa matag dayosis, ang paglusad sa Tuig sa Parokya. Dinhi as Arkidayosis sa Dabaw, ilusad ang maong tuig sa Enero 1, ang pangolin sa pagka-inahan ni Birheng Maria, ang inahan sa Simbahan. Saulogon kini pinaagi sa hiniusa ug dungan sa tanang Misa. Samtang usa ka dakong kongreso ang gilaraw nga pagahimoon alang sa mga GKKs sa Digos atol sa kapistahan sa ika usa ka gatos ka tuig nga kasumaran sa Birhen sa Fatima, Oktobre trese.

Nagkalain-laing mga kalihukan ang gihan-ay sa matag dayosis apan nagkahiusa sa paghatag sa focus sa pagpalambo sa GKK.