Music school andam mutabang sa Simbahan

Tinguha sa matag simbahan o seminaryo nga sap ag organisa sa iyang choir, mas mahatagan pa ug daghang voice lesson o training ang mangantahay. Ang music ministry kadasig sa matag misa o prayer meeting.

Daghan kaau ang mangantahay dinhi sa Dabaw busag ang presensya sa mga music school sama na lamang sa MuzicsKool diha sa Mamay Road, Damosa, Lanang makatabang gayud.

Matud pa ni Jeremy Sarmiento, CEO ug Presidente andam ang eskwelahan nga mutabang sa mga parokya ug seminaryo aron sa paghanas sa talent sa batan-on dili lang sa pagkanta, apil usab ang pagsayaw, ug pagtugtog ug instrumento.

Sa pagbendisyon sa expansion niadtong Sabado, Oktobre 15, miingon ang presider nga si Fr. Lords Saniel, nga “healthy kini nga avenue hilabi na sa mga batan-on.” Busa iyang giimbita ang MuzicsKool aron mutabang.

Sa pagpangutana kung unsa man ang panlantaw sa eskwelahan dekada gikan karon, mitug-an si Mr. Sarmiento ug ang BOT Chairperson nga si Mr. Ricky Floirendo nga gusto nila muhimo ug mga productions sama sa konserto ug mga albums. Aduna nay ginalutong proyekto alang sunod tuig.

Layon nga sa pagpadaku pa sa eskwelahan nga mas daghan pa ang mga batan-on nga matabangan hilabi na gayud sa mga volunteers sa simbahan.