Mga bata importante sa Simbahan

Excerpt from the homily Pista sa Parokya ni San Juan Pablo

Gitimbaya ni Yanong Muloy ang mga mitambong sa fiesta mass sa St. John Paul II Parish, Tugbok niadtong Oktobre 22. Nalipay siya kay daghan ang nanambong.

Matud pa niya, ang St. John Paul II Parish, Tugbok mao ra ang parokya sa Arkidayosis sa Dabaw nga gipili si John Paul II. “Gipili ninyo siya nga patron dinhi katong blessed pa siya. Two years ago nahimo siyang santo. Talagsaon tungod kay pila na lamang ka parokya ang naay rondalla. Pinoy na pinoy, pista kaayo.”

Human ang timbaya, iya nang gisugdan ang iyang pagpaambit pinaagi sa pagbalik sa Unang Basahon. “Unsa man ang buhi nga mensahe alang kanato karon? Kita mudan-ag ba atubangan tungod sa maayong buhat o mudilaab usab sa imong atubangan tungod sa gugma?”

“O Diyos nga nagbutang kang San Juan Pablo II nga magbalantay sa tibuok Simbahan ug nagbuot nga mudan-ag siya tungod sa kahibulongang kahayag sa iyang mga maayong buhat sa iyang pagtulun-an, itugot nga kami nga nagtamod sa mga pahanungdan sa Santo Papa, mga deboto mudan-ag unta atubangan sa katawhan tungod sa mga maayong mga buhat.”

Nag ila kita sa usa ka balaan, apan ang hagit, kita usab mudan-ag, mudilaab atubangan sa katawhan.

Giila si St. John Paul II nga puno sa pagtulon-an nga santo papa. “Ang atong punto dinhi mao ang paghatag sa haum tungod kay si John Paul kanunay nga nagatan-aw sa kahimtang sa kahimtang sa katawhan sa iyang panahon, nya kung naa siyay makita, nanudlo siya, usa ka great teaching Pope.

Busa karong adlawa, agi’g pagpakita sa atong pagtahud ug pagmahal, panahon nga we renew our faith dinha sa mga pagtulon-an sa Simbahan, dili lang faith, pagsalig, pagtoo diha sa pagtulon-an sa Simbahan, dili ta magdali-dali, dili ta magpataka. Sama ta sa mga bata, unsay uso, unsay trending.

Mr. Suave, siguro ika dise otso gitugtog, apan human sa tulo ka bulan, nakalimtan napud. Ana ta, unsay uso, sundon. John Paul nagtudlo kanato nga musalig gyud, pagtoo nga masaligon, nga ang Simbahan, lawas ni Kristo, naay guarantee, sa gugma ug kamatuoran alang kanato. If we stay put, we will wither sa mga pagsulay sa kinabuhi, makadunggo kita sa kinabuhing walay katapusan.

Nanudlo siya sa sibo sa panghuna huna sa katawhan ug nakaigo ug angayan nga pagpanudlo sa dan-ag sa maayong pagtulon-an sama sa Eyukaristiya, pamilya. Teaching ni John Paul, sibo pag-ayo, mahala ang pamilya.

Sa katapusan, gipunting ni Yanong Muloy ang kamahinungdanon sa mga bata diha sulod sa pamilya, katilingban ug Simbahan.