Parokyano sa St. Joseph nagpanawduaw

Usa ka talagsaong higayon ang panghitabo mao ang “Panawduaw” kon pilgrimage sa Balaang Pultahan sa Kaluoy nga nahimutang diha sa San Pedro Cathedral. Matag usa gihimo una ang pagpangandam sa kaugalingon sama sa pagkumpisal, timaan sa pag-angkon ug pangayo ug kapasayloan.

Gatusan ka mga parokyano sa St. Joseph the Worker, Sasa ang misulod niadtong Setyembre 26, alas 11:30 sa buntag, dayon ang pag-apil sa Santos nga Misa inubanan nila parochial vicar, Fr. Leomel P. Puerto ug Fr. Dionisio C. Tabiliran, ang kura paroko.

Matud pa ni Sol Tiu, nga taga Nova Tierra Village,Lanang, “it was an amazing experience which I cannot explain. When I was about to enter, I just closed my eyes, visualized myself entering God’s kingdom. I wanted to cry but pinigilan ko, feeling ko I was cleansed and purified because I really asked and prayed for forgiveness that God allowed me to enter though I am not worthy.”

Dugang pa ni Virgie Lador, gikan GKK Sto Domingo 1, “I felt the love of mercy of God cause most of the parishioners who joined the pilgrimage were already on their sweet 60s, but still they were so eager to enter the “Holy Door” and hear the message of God.”

Si Lorna Pandapatan, usa ka miyembro sa Daughters of Mary Immaculate, “nindot kaayo ang akong kasinatian mora mig mga santos nga gipasulod sa langit kauban ang parokyano, magkita-kita sa langit. Happy face ang tanan.”

Pangandoy ni Pope francis nga kining maong tuig mapuno sa kalooy ang tanang katawhan aron makaduol sa Diyos ang matag tawo.

Mipauli ang tanan nga puno sa kalipay, mapahiyumon, puno sa paglaum ug sa grasya sa Ginoo.

Ang parokya sa St. Joseph, usa lamang sa 39 ka parokya sa Arkidayosis sa Dabaw nga mihimo ug “pilgrimage”. (Amie Desquitado | SJP SoCCom)